Türkiyədə qatarla yük avtomobilinin toqquşması ilə meydana gələn qəza 2 nəfərin ölümü, 8 nəfərin isə yaralanması ilə nəticələnib. ANS PRESS “İhlas” agentliyinə (İHA) istinadən xəbər verir ki, hadisə Çankırı vilayətində baş verib. Qeyd edək ki, bir ailəyə aid ev əşyalarını daşıyan yük avtomobilinin sürücüsü ailə üzvlərinin də olduğu maşınla qatar relsi ilə kəsişən yoldan keçməyə çalışıb. Çırpılma nəticəsində qatarın relslərdə bir müddət sürüdüyü yük avtomobili daha sonra yoldan çıxaraq aşıb. Qəzada eyni ailədən olan 32 və 34 yaşlı iki nəfər ölüb, 3 və 7 yaşlı iki uşağın olduğu 8 nəfər isə müxtəlif dərəcəli bədən xəsarəti alaraq xəstəxanaya çatdırılıb.
anspress