Türkiyənin Adana vilayətində qatar qəzası baş verib. ANS PRESS “Cihan” xəbər agentliyinə istinadən xəbər verir ki, hadisə ötən gecə yerli vaxtla saat 23.45-də (Bakı vaxtıyla 01.45) baş verib. Məlumata görə, şəhər mərkəzi Mithat paşa məhəlləsindəki stansiyada səfərdən qayıdan sərnişin qatarı stansiyada manevr etməyə çalışan boş qatarla toqquşub. İlkin məlumata görə, toqquşma nəticəsində 15 sərnişin müxtəlif dərəcəli bədən xəsarəti alıb. Qeyd edək ki, yaralılardan 4-ü xəstəxanada həkim nəzarətində saxlanılıb, digərləri isə ambulator müayinədən sonra evə buraxılıb.