Türkiyədə qar üçqünü nəticəsində avtomobillərin hərəkəti üçün bağlanan Rizə-Ərzurum yolunun Ovit dağı ərazizində 30 saatdan çoxdur ki, 18 nəfərdən xəbər yoxdur. Uçqunun baş verdiyi ərazidən çıxa bilməyənlərin yaxınlarına zəng edərək, “Donmaq üzrəyik, bizi xils edən” dedikləri bildirilir. İtkin düşənlərin axtarışı üçün göndərilən 5 nəfərlik qrupun iki üzvü də itkin düşüb. Nəqliyyat naziri Binali Yıldırım xilasetmə işlərinə rəhbərlik etmək üçün bölgəyə gedib. Nazir bildirib ki, uçqun altında qalanların təxmini yeri müəyyənləşdirilib. O, adamların olduğu mikroavtobusun sürücü ilə telefon əlaqəsi saxladıqlarını və sərnişinlərin vəziyyətlərinin yaxşı olduğunu öyrəndiklərini deyib.
Mikroavtobusdakıların əksəriyyətinin tələbə olduğu bildirilir. Universitet tələbəsi Funda Fənər cib telefonu vasitəsilə əlaqə saxlayıb. O deyib ki, mikroavtobusun yanadağı bitir və onlar donmaq təhlükəsi ilə üzləşiblər.
Rizə və Əzurumdan çoxsaylı xilasedici axtarış ihlərinə cəlb edilib. Silahlı Qüvvələrin Baş Qərargahı bölgəyə 4 helikopter və 1 təyyarə ilə 15 nəfərlik qrup göndərib. ANSPRESS