Türkiyədə PKK terrorçularının növbəti hücumu nəticəsində Türkiyə Silahlı Qüvvələrinin bir çavuş şəhid olub, bir əsgər isə yaralanıb. ANS PRESS, Türkiyə mətbuatına istinadən xəbər verir ki,  Tunceli vilayətinin Çiçəkli kəndi yaxınlığında Türkiyə əsgərləri ilə PKK terrorçuları arasında atışma baş verib. İnsident nəticəsində bir çavuş ölüb, bir əsgər isə yaralanıb. Terrorçular atışmadan sonra qaçmağa müvəffəq olublar. Terrorçuların ələ keçirilməsi üçün ərazidə əməliyyatlar başlayıb. /ANS PRESS/