Türkiyənin Bursa vilayətində Ulu dağın aşağı yamaclarında şabalıd toplayan yerlilərin ötən gün isinmək üçün yandırdığı tonqal yanğınla nəticələnib. Ulu dağ Balaban dərəsinin ətrafında şabalıd, cökə, qayın ağaclarının yanması ilə davam edən alovu gün ərzində söndürmək mümkün olmayıb. Havanın qaralması isə yanğına havadan müdaxiləni mümkünsüz edib. Alovlar isə əsən küləyin də təsiri ilə yayılmağa başlayıb. Məlumata görə, yanğını Bursa şəhərinin bəzi yerlərindən də görmək mümküdür. Hal-hazırda yanğının söndürülməsi istiqamətində işlər yaxınlıqda olan rayon yanğından mühafizə dəstələrinin dəstəyi ilə davam edir.