Türkiyədə keçən il yerli və əcnəbi turistlər tərəfindən ən çox ziyarət edilən məkanlar İstanbul şəhərindəki Ayasofya və Topqapı Sarayı muzeyləri və Efes xarabalıqları olub.

AzərTAc Türkiyə KİV-lərinə istinadla xəbər verir ki, qardaş ölkənin Mədəniyyət və Turizm Nazirliyinin məlumatına görə, Ayasofya Muzeyini 3 milyon 345 min, Topqapı Sarayı Muzeyini 3 milyon 334 min, Efes xarabalıqlarını isə 1 milyon 888 min nəfər turist ziyarət etmişdir.

Ümumiyyətlə, keçən il Türkiyədəki muzey və tarixi yerləri 28 milyon 781 min turist ziyarət edib.