Türkiyə Samsun vilayətinin Vedzirköprü rayonuna bağlı Kızılses kəndindəki yaşayış evində yanğın baş verib. Türkiyə mətbuatının yaydığı məlumata görə, 80 ev olan kəndin küçələri dar olduğu üçün yanğından mühafizə dəstələri alova vaxtında müdaxilə edə bilməyiblər. Nəticədə kənddə 20 – 30 ev yanaraq külə dönüb. Yanğın nəticəsində kəndlilərə aid bir çox ev heyvanı tələf olsa da insanlar arasında itki baş verməyib.

Fəlakətin baş verdiyi yerə Türkiyə Qırmızı aypara cəmiyyəti 20 nəfərlik axtarış-xilasetmə dəstəsi, habelə çadır, adyal, qida məhsulları ilə zəruri əşyalar göndərib.

Qeyd edək ki, kənd sakinlərindən Ramazan Karakaş havadan müdaxilə olmasa kəndin tamamilə yanaraq kül ola biləcəyini deyib.