Türkiyənin Elazığ şəhərində dəhşətli yol qəzası baş verib. ANS PRESS-in Türkiyə mətbuatına istinadən verdiyi məlumata görə, hadisə Elzaığ-Malatya magistralının 17-ci kilometrliyində qeydə alınıb. 2 nəfərin öldüyü, 35 nəfərin isə yaralandığı yol qəzası sərnişin avtobusu ilə yük maşınının toqquşması nəticəsində baş verib.

Hadisədən dərhal sonra əraziyə çoxlu sayda təcili tibbi yardım maşınları və tibb işçiləri yollanıblar. Yaralılar Elazığ xəstəxanalarına qaldırılıblar. Onlardan 8 nəfərinin vəziyyəti ağır olaraq alır. Qəzadan sonra yolun bir hissəsi bağlanılıb. Polis araşdırmalara başlayıb.