Ötən gün Türkiyənin Ərzurum vilayətində 5 nəfərin ölümü ilə nəticələnən ağır yol nəqliyyat hadisəsi baş verib. Qəza yerli vaxtla saat 16.15-də (Bakı vaxtıyla 18.15) Ərdaxan şəhərindən Bursa şəhərinə gedən sərnişin avtobusunun körpüdən dərəyə aşması nəticəsində meydana gəlib. Hadisə nəticəsində daha 44 sərnişin isə müxtəlif dərəcəli bədən xəsarətləri alıb. Yaralılar yaxınlıqda olan şəhər və rayon xəstəxanalarına çatdırılıblar.

Faktla bağlı istintaq başladılıb və qəzanın baş vermə səbəblərinin müəyyənləşməsi istiqamətində araşdırmalar davam edir.