Türkiyədə keçirilən bir araşdırma nəticəsində ölkədə prezident Abdullah Gül ilə eyni ad və soyada sahib 981 nəfər olduğu aşkarlanıb. Analoji araşdırma nəticəsində baş nazir Rəcəb Tayyib Ərdoğanla eyni ad və soyada sahib 90 nəfər, müxalifətdə olan CHP (Cumhuriyyətçi Xalq Partiyası) sədri Kamal Kılıçdaroğlu ilə 1 nəfərin eyni ada və soyada sahib olduğunu müəyyən edib. MHP (Milliyyətçi Hərəkat Partiyası) sədri Dövlət Baxçalı ilə eyni ad və soyada sahib isə heç bir nəfər də yoxdur.

Bundan başqa ölkədə 768 Süleyman Dəmirəl, 38 Bülənd Ecevit, 12 Turqut Özal və 2 Bülənd Arınc olduğu məlum olub.

Qeyd edək ki, Türkiyədə 2010-cu ildə 102 ailə dünyaya gələn körpəsinə Rəcəb Tayyib adını verib.