Türkiyədə 9 şagirdin ölümü ilə nəticələnən yol qəzası baş verib. ANS PRESS “Cihan”a istinadən xəbər verir ki, paytaxt Ankaradan qız şagirdləri Bolu şəhərinə ekskursiyaya aparan avtobus axşam radələrində Ankaranın Kızılcahamam rayonu yaxınlığında aşıb. Hadisə nəticəsində 8 şagird hadisə yerində, 1 nəfər isə xəstəxanada olmaqla 9 nəfər ölüb. Daha 19 nəfər isə müxtəlif dərəcəli bədən xəsarəti alıb. Qəza nəticəsində yaralananlar dərhal xəstəxanalara çatdırılıblar. Yaralılardan birinin vəziyyəti ağırdır. /ANS PRESS/