APA-nın “Hürriyet”ə istinadən verdiyi məlumata görə, iyulun 10-da gecə yerli vaxtla saat 02.30-da Diyarbərkirdə yerləşən aviabazadan havaya qalxan hərbi təyyarələr 1 saat boyunca İraqın şimalındakı Hakurk, Hinere, Lolan, Male Meleyan və Sidekan bölgələrindəki PKK mövqelərinə zərbələr endirib. PKK terrorçularının bu ərazilərdən İraqın içərilərinə doğru geri çəkildikləri bildirilir.

Xatırladaq ki, İraqın şimalındakı dağlıq ərazilərdə düşərgələr quran PKK terrorçuları vaxtaşırı Türkiyəyə keçərək terror aksiyaları həyata keçirirlər. APA