Türkiyənin İstanbul şəhərində yolların buzlaşması avtomobil qəzalarının sayını artırıb. Ötən gecə şəhərin müxtəlif avtomobil yollarında baş verən qəzalarda çox sayda insan xəsarət alıb.

Bəyoğlu ərazisində qəzalardan biri sürücünün buzlaşan yolda idarəni itirməsi və avtomobilin yolda dayanan yük maşınına çırpılması nəticəsində baş verib. Yol bir müddət bağlanıb. Digər bir qəza isə buzlu yolda 8 avtomobilin toqquşması nəticəsində baş verib. Bəzi qəzalarda isə avtomobillər buzlu yolda sürüşərək divarlara çırpılıb. İstanbul şəhər bələdiyyə işçiləri yolların təmizlənməsi işlərinə davam edir.