Türkiyənin baş naziri Rəcəb Tayyib Ərdoğan apardığı aktiv siyasət və beynəlxalq populyarlığı səbəbilə növbəti mükafatı qazanıb. Sloveniyada fəaliyyət göstərən “Yaxın Şərq və Balkan araşdırmaları institutu” (IFIMES) baş nazir Rəcəb Tayyib Ərdoğanı “Əsrin Adamı” seçib. Bu barədə məlumatı Sloveniyanın Ankara səfiri Milan Cazbek (Jazbec) verib. “Ölkəmizdə fəaliyyət göstərən IFIMES baş nazir Rəcəb Tayyib Ərdoğanı “Əsrin Adamı” seçdi. Cənab baş nazirin mükafatını ölkəmiz Sloveniyada keçiriləcək bir tədbirdə verməyi planlaşdırırıq”.