Tunisli qadın 12 əkiz övlad dünyaya gətirməyə hazırlaşır. ANS PRESS-in “The Daily Telegraph”a istinadən verdiyi xəbərə görə, adının açıqlanmasını istəməyəm qadın körpələrini təbii yolla doğacağına söz verib.

Qeyd edək ki, həkimlər bunun olduqca təhlükəli olduğunu bildirsələr də, qadın onlara məhəl qoymadan 6 qız və 6 oğlan olan körpəsini fizioloji yolla dünyaya gətirəcəyini söyləyib.

Qadının həyat yoldaşı da onun dəstəkləyir. Onun sözlərinə görə, bu hadisədən olduqca məmnundur, baxmayaraq ki, həkimlər ilk öncə onlara iki əkiz körpələrinin olacağını söyləmişdilər.

Mütəxəssislər bildiriblər ki, əgər qadın əkizlərini təbii yolla dünyaya gətirə bilsə, o, çox doğumluluq üzrə dünya rekordunu təzələmiş olacaq.

Tunis höküməti valideynlərə lazım olan hərtərəfli yardım göstərəcəyinə dair söz verib.

Xatırladaq ki, buna bənzər hadisə 1971-ci ildə Avstraliyada olub. O zaman qadın 9 körpə dünyaya gətirsə də, bir neçə gün sonra onlar tələf olmuşdular.  /ANS PRESS/