Tunisdə vəziyyət gərgin olaraq qalmaqdadır. Ötən gün müxalifət növbəti dəfə Milli Məclisin binası qarşısında etiraz aksiyası keçirib. ANS PRESS Türkiyə mətbuatına istinadən xəbər verir ki, Tunisdə müxalif Xalq Cəbhəsi Koalisiyasının lideri, millət vəkili Məhəmməd əl-Berahiminin iyun ayında evinin qarşısında öldürülməsisilə ölkədə başlayan ümumi tətil ölkəni iflic vəziyyətə salıb.

Bu zaman Tunisin təhlükəsizlik qüvvələri ilə müxalifət tərəfdarları arasında qarşıdurma yaranıb. Tərəflər arasında baş vermiş qarşıdurmada xəsarət alanlar barədə heç bir məlumat verilmir.