APA-nın “İslamnews” saytına istinadən yaydığı məlumata görə, hadisəyə 16 saylı məktəbdə erməni şagirdlərdən birinin dərsə üzərindən “Bizim Qarabağ” sözləri yazılmış futbolçu geyimində gəlməsi səbəb olub. Bu azərbaycanlı gənclərin xoşuna gəlməyib və tərəflər arasında münaqişə yaranıb. Tərəflərdən biri münasibətləri aydınlaşdırmağa travmatik silahla gəlib və hadisə zamanı gənclərdən birinin qulağına atəş açıb. Azərbaycanlı və erməni gənclər arasında münaqişənin böyüməsinə hüquq-mühafizə orqanlarının müdaxiləsi mane olub. Milli məsələlər üzrə vilayət komitəsi azərbaycanlı və erməni diasporlarının rəhbərlərini çağıraraq tərəfləri barışdırıb və münaqişənin böyüməsinin qarşısını alıb. APA