Ukraynanın keçmiş baş naziri Yuliya Timoşenkonun həyat yoldaşı Aleksandr Timoşenko Çexiya Respublikasından sığınacaq istəyib. Bu barədə kütləvi informasiya vasitələri yazıb.

Xatırladaq ki, Yuliya Timoşenko oktyabr ayında Ukraynanın Peçorsk məhkəməsində 2009-cu ildə Rusiya ilə qaz müqaviləsi imzalanarkən səlahiyyətlərini aşmaqda ittiham edilərək azadlıqdan məhrum edilib. 7 il həbs cəzasına məhkum edilmiş Yuliya Timoşenkonun başqa iş üzrə təkrar həbs qərarını isə dekabrın 8-də Kiyevin Şevçenko rayon məhkəməsi çıxarmışdı.