KLM aviaşirkətinin sərnişini Amsterdam şəhərinin Sxipxol hava limanı üzərində Uçan Naməlum Obyekti (UNO) lentə almağa müvəffəq olub. ANS PRESS-in məlumatına görə, videoçarx mobil telefon vasitəsilə təsadüfən çəkilib. UNO olduğu ehtimal edilən uçan qurğu dairəvi formada olub, Günəş işığını özündə əks etdirir. Mütəxəssislər əvvəlcə uçan aparatın meteoroloji zond olduğunu güman etsələr də sonradan fikirlərini dəyişiblər. Sərnişin videonu çəkdikdən bir gün sonra görüntüdə UNO-nu müəyyənləşdirib.