Bu gün İranda Aşura gününün qeyd olunması ilə başlanan gərginlik davam etməkdədir. Tehranın mərkəzi hissələrində müxalifət tərəfdarları ilə polis arasında toqquşmalar baş verir. Asayiş keşikçiləri rezin dəyənəklər, gözyaşardıcı qazdan istifadə edir. Nəticədə müxalifət tərəfdarları ilə yanaşı, küçədən təsadüfən keçən şəxlər də xəsarət alır.

Hazırda paytaxt ərazisində zibil konteynerləri yanır, Tehran iflic vəziyyətindədir.

Müxalifət yönümlü internet-saytlarının verdiyi məlumatlarda bildirilir ki, hadisə nəticəsində xeyli sayda ölən və yaralanan var. Həmçinin müxalifətçilərin barrikadalar qurduğu bildirilir. ANSPRESS