İlkin məlumatlara görə, Haitidə prezident seçkilərinin ikinci turunda tanınmış müğənni və musiqiçi Mişel Martelli qalib gəlib. Bu barədə məlumatı seçki komissiyasının nümayəndəsi açıqlayıb. Onun sözlərinə görə, prezidentlik uğrunda mübarizə aparan iki namizədin topladığı səslərin faiz nisbəti bir qədər sonra elan ediləcək.

Haitidə prezident seçkilərinin ikinci turu martın 20-də keçirilib. Lakin onun nəticələrinin elan edilməsi ləngiyib. Buna səbəb kimi yaranmış çətin siyasi vəziyyət göstərilir: səsvermə namizədlərin tərəfdarları arasında toqquşmalarla müşayiət olunub.

Mişel Martellinin rəqibi eks-prezident Lesli Maniqanın həyat yoldaşı Mirland Maniqa olub.