Boston teror aktlarında şübhəli bilinən Tamerlan Sarnaev ABŞ-da dəfn edilib. ANS PRESS-in Rusiya mətbuatına istinadən verdiyi məlumata görə, onun harda dəfn edildiyi sirr olaraq saxlanılır.

Polis təkcə meyidin saxlandığı Buster şəhərindəki morqda olmadığını deyib. Qeyd edək ki, 26 yaşlı Tamerlan aprelin 19-da polislə atışmada ölüb. Terror aktında ikinci şübhəli şəxs sayılan onun kiçik qardaşı Coxar Sarnaev isə hazırda yaralı halda Boston ətrafındakı həbsxana xəstəxanasında müalicə olunur.

Xatırladaq ki, aprelin 15-də Bostonda keçirilən marafon yarışının sonunda törədilən 2 partlayışda 3 nəfər ölüb, 260-dan çox adam yaralanıb.