Polşada keçirilən avtomobil şousu zamanı “Ferrari”nin sürücüsü maşını tamaşaçıların oturduğu yerə sürüb. ANS PRESS-in “Reuters”ə istinadən verdiyi xəbərə görə, sürücü avtomobilin idərəetməsini itirib.

Nəticədə qəzada 19 nəfər xəsarət alıb. Onlardan 4 nəfəri ağır vəziyyətdədir. Xəsarət alanlar arasında 2 uşaq da var.

Məlumata görə, şou zamanı tamaşaçılar dünyanın ən sürətli və bahalı avtomobillərini izləməli idilər. Belə ki, builki şouda 175 ədəd avtomobil nümayiş olunmalı idi. Onlardan 50 ədədi “Ferrari” avtomobilidir.