Suriya Qərb ölkələrinin mümkün hərbi hücumlardan müdafiə olunmaq məqsədi ilə hərəkətə keçib. ANS PRESS-in Rusiya mətbuatına istinadən xəbər verir ki, Suriyanın havadan müdafiə sistemi tam döyüş hazırlığı vəziyyətinə gətirilib.

Suriya rəsmiləri açıqlamalarında ölkəyə hərbi müdaxilə olacağı təqdirdə ordunun adekvat cavab zərbələri endirəcəklərini bildiriblər.

Qeyd edək ki, Suriya ordusu ölkədəki vətəndaş müharibəsinə qədər Yaxım Şərqin ən güclü silahlı qüvvələrindən biri hesab olunur. Suriya Ordusu əsasən Rusiya istehsalı olan müasir silahlarla təhciz olunub. Xüsusi ilə də Rusiya istehsalı olan hərbi hava hücumundan müdafiə sistemləri ABŞ-ın mümkün hava zərbələrinin qarşısını ala bilər.

Suriya ordusunun müharibə hazırlıqları çərçivəsində hərbi qüvvələrinin dislokasiyasını dəyişdirdiyi, hərbi texnika və müdafiıə sistemlərini yaşayış məntəqələrinin yaxınlığına çəkdiyi bildirilir. Bu isə o deməkdir ki, Suiriya Qərb ölkələri ilə üzun müddətli müharibəyə hazırlaşır.