İrəvan Dövlət Dram Teatrı bütün türk şəhidlərini anacaq. Sənət ocağında qəhrəmanların xatirəsinə həsr olunmuş yeni səhnə əsəri üzərində məşqlər aparılır. "Soyqırım abidəsinin dastanı" adlanan tamaşaya türk yazıçısı Zehni Papaqçının ssenarisi əsasında İrəvan Dram Teatrının yaradıcı kollektivi ilə birgə quruluş verilir. Səhnə əsəri ermənilərin törətdiyi soyqırımlardan bəhs edir.

İrəvan Dövlət Dram Teatrının direktoru İftixar Piriyevin ANS-ə verdiyi məlumata görə, soyqırım təkcə Azərbaycanın deyil, ümumən türk dünyasının problemidir. Səhnə əsəri dastan formasında nəql edilir. Tamaşanın əsas süjet xətti isə Qarabağ müharibəsi və onun Azərbaycan xalqına vurduğu zərbə üzərində qurulub.

Türkiyəli yazıçı Zehni Papaqçı qeyd edib ki, əsərin son hissəsində Qarabağ hadisələrinin necə cərəyan etməsi qabarıq şəkildə göstərilib: "Qarabağ hadisələrindəki işğalın yanlış olduğu, Qarabağdan əvvəl Ermənistanın və İrəvan şəhərinin necə verildiyi və bugünədək cərəyan edən hadisələri səhnələşdirmişik"

Tamaşada Milli Qəhrəman Mübariz İbrahimovun da obrazı canlandırılıb. Türk yazıçısının sözlərinə görə, döyüşçü qəhrəmanlığı ilə Türkiyədə də ad qazanıb. Zehni Papaqçı Mübarizin əhvalatını iyun ayından izləməyə başladığını deyir: "Bu hadisə türk dünyasında da kütləvi informasiya vasitələri tərəfindən gündəmə gətirilib. Mübariz təkbaşına döyüşə girərək mübarizə aparıb. 45-50-yə yaxın erməni ilə döyüşüb, sonra isə şəhid olub və onun meyidtni uzun müddət qaytarmayıblar".

Tamaşada rolları xalq artistləri Elmira İsmayılova, Tamilla Abdullayeva, Süleyman Nəcəfov, əməkdar artistlər Esmiralda Şahbazova, Vidadi Əliyev, Vaqif Kərimov, aktyorlardan Niyaməddin Səfərəliyev, Nurbəniz Niftəliyeva, Pərviz Gülmmədov, Əhliman Ərşədov, Anar sadiqov və başqalari ifa edir. iki hissədən ibarət tamaşanin musiqi tərtibati və səhnə quruluşu Zehni Papaqçıya məxsusdur.

"Soyqırım abidəsinin dastanı" tamaşası martın 31-də Beyləqan royonunda Soyqırım abidəsi önündə oynanılacaq.