Somalinin baş naziri Məhəmməd Abdullah Məhəmməd ötən gün tutduğu vəzifədən istefa verib. Baş nazir Məhəmməd mətbuata verdiyi açıqlamada ölkə mənfəətlərini diqqətə alaraq bu addımı atdığını deyib: “İctimaiyyətin mənfəətlərini diqqətə alaraq və “Kampala razılaşması”nın şərtlərinə uyğun olaraq istefa etməyə qərar verdim”.

Qeyd edək ki, “Kampala razılaşması” iyunun 9-da Uqanda prezidenti Yoveri Kaquta Museveni ilə BMT-nin Somali nümayəndəsi Avqustin Mahiqanın iştirakı ilə keçirilən tədbirdə imzalanmışdı. Razılaşma müvəqqəti təşkilatların müddətinin 2012-ci ilə qədər uzadılmasını, prezident və parlament seçkilərinin 2012-ci ilin avqustunda keçirilməsini və baş nazirin istefasını nəzərdə tutur.

Qeyd edək ki, razılaşmanı imzalamayan Məhəmməd Abdullah Məhəmməd daha əvvəl istefa vermək istəmirdi. ANSPRESS