Hazırda Rusiyada hamı anlayır ki, Vladimir Putinin hakimiyyətdə qalması ölkənin iflasına gətirib çıxaracaq. Bunu Rusiyada qatı müxalifətçi kimi tanınan Harri Kasparov deyib.

Gürcüstan-Rusiya münasibətlərinə toxunan Q. Kasparov bildirib ki, Putin hakimiyyətdə olduqca, iki ölkənin əlaqələri dalana dirənəcək: “İndiyə kimi Gürcüstanın ərazi bütövlüyü ilə bağlı olan məsələ də həllini tapa bilmir. Abxaziyanın zəbt edilməsi Putin üçün bazalarını Soçidə yerləşdirilməsi baxımından əsas faktor hesab edilir. Çünki Putin Soçidə özünəməxsus yeni Putinqrad tikir. Abxaziya isə Rusiya siyasəti üçün bufer rolunu oynayır”.