İtaliyanın baş naziri Silvio Berluskoni Portuqaliyanın paytaxtı Lisabonda keçirilən NATO sammitində növbəti qalmaqala imza atıb. Məlumata görə, sammit başlamadan əvvəl liderləri qarşılama mərasimində Rumıniyanın prezidenti Trayan Basesku danışmaq üçün Fransa prezidenti Nikolya Sarkoziyə yaxınlaşır. Sarkozi isə onun sözünü ağzında qoyaraq əl hərəkəti ilə Baseskunu özündən uzaqlaşdırır.

İtaliyanın baş naziri Silvio Berluskoniyə yaxınlaşan Trayan Basesku məruz qaldığı kobud hərəkəti ona danışır. İki lider səmimi şəkildə görüşdükdən sonra Berluskoni sağ əlinin şəhadət barmağını gicgahına apararaq Sarkozinin dəli olduğuna işarə edir.

Jurnalistlərin lentə aldığı bu görüntü uzun müddət müzakirə mövzusu olsa da tərəflər məsələ barədə hər hansı bir açıqlama verməyib.

http://www.youtube.com/watch?v=_Ly165z9OOU