Dağıstanda naməlum silahlıların bölgədə post-patrul xidməti aparan polisə hücum etməsi tələfatla nəticələnib.

ANS PRESS-in Dağıstan Daxili İşlər Nazirliyinin mətbuat xidmətinə istinadla verdiyi məlumata görə, naməlum şəxslər qəfildən Kayakentski bölgəsində patrul xidməti aparan polis əməkdaşlarına silahlı basqın ediblər.

Məlumata görə, bu gün yerli vaxtla 00:10 radələrində, Kayakentski rayonunun Kafkaz kəndi yaxınlığında tərəflər arasında baş verən toqquşma nəticəsində bir polis maşını yanıb, 4 polis işçisi isə yaralanıb.

Silahlı şəxslərin həbs olunmaları istiqamətində Dağıstan polisi və hərbçilər toqquşmanın baş verdiyi bölgədə iri çaplı əməliyyata başlayıblar.