Pakistanın şimal-qərbində Paraçınar şəhərində terror hücumu təşkil edilib. ANS PRESS xarici mətbuata istinadən xəbər verir ki, şiələrə edilən hücum zamanı iki bomba partladılıb və nəticədə 57 nəfər ölüb, 167 nəfər isə yaralanıb.

Hücumun məsuliyyətini heç kim boynuna götürməyib. Səlahiyyətlilər isə daha əvvəl də şiələrə qarşı hücum edən radikal sünni qrupları günahlandırırlar.

Bir polis zabiti bombalardan birinin motosikletə bağlandığını, o patladıqdan 4-5 dəqiqə sonra ikinci bombanın da partladığını bildirib.