Rusiyanın Sibir bölgəsində meşə yanğınları səngimək bilmir. Yanğınların sahəsi genişlənməyə davam edir. Yakutiyada yanğınla mübarizə üçün qonşu vilayətlərdən yanğınsöndürən dəstələr və aviasiya göndərilib. Alov sürətlə meşəlik ərazinin dərinliklərinə doğru hərəkət edir. Tayqa meşələrinin üzərində helikopterlər keşik çəkir.

Son sutka ərzində Sibir bölgəsində yanğının sahəsi düz 2 dəfə artıb. Hazırda 1935 hektardan çox ərazini əhatə edən 92 yanğın ocağı qalmaqdadır. Onlardan yalnız 38-inin qarşısını almaq mümkün olub. Alovla mübarizəyə 1564 nəfər canlı qüvvə və 366 ədəd texnika cəlb olunub.

Yaxın günlərdə Sibirin 4 regionunun 21 rayonunda yanğın təhlükəsinin 5-ci səviyyəyə qaldırılacağı gözlənilir. Daha 100 rayonda isə bu dərəcə 4-cü səviyyə elan edilə bilər. ANSPRESS