Liviyanın paytaxtı Tripolidə Birləşmiş Ərəb Əmirlikləri səfirliyinə hücum olub. Bir qrup silahlı şəxs səfirlik binasına raket atıb. Şahidlərin sözlərinə görə, avtomobillə hərəkət edən silahlılar səfirliyə çatanda avtomobildən raket atıblar. Nəticədə səfirlik binasına ziyan dəyib, binanın divarında nəhəng dəlik meydana gəlib.

Hücum nəticəsində xəsarət alanın olmadığı bildirilir.

Hazırda Tripoli polisi hücumun kimlər tərəfindən həyata keçirildiyini araşdırır.