Livanda başlayan siyasi qalmaqaldan sonra ölkədə baş nazirlik vazifəsini müvəqqəti olarq icra edən Səəd Həriri müxalifət sıralarına keçəcəyini bildirib. Həriri bu barədə atası Rəfiq Həririnin sui-qəsdə qurban getməsinin 6-cı ildönümü münasibətilə keçirilən tədbirdəki çıxışında deyib. Yeni yaradılacaq hökumətə qarşı müxalifət olacağını deyən Həriri konstitusiyaya bağlı qalacaqlarını deyib: “Biz indi müxalifətdəyik. Amma konstitusiyaya, Həriri sui-qəsdini araşdıran BMT Livan məhkəməsinə və Livan xalqını qeyri-qanuni silahların istifadəsindən qorumağa bağlı qalacağıq”.

Səəd Həriri həmçinin “Hizbullah”ı İsrailə qarşı istifadə etdiyi silahları da yerə qoymağa səsləyib.