Serbiyada baş vermiş “qəhrəmanlıq” hadisəsi heyvanları mühafizə dərnəklərinin hiddətinə səbəb olub. Səhər tezdən şəhərin mərkəzi küçələrindən birində kanalizasiya qapağını açan şəxs yanındakı iti kanalizasiyaya atıb. Yaxınlıqda olan təhlükəsizlik kamerası tərəfindən qeydə alınan hadisənin səbəbi isə bir gün sonra məlum olur.
Həmin şəxs ertəsi gün iti sanki xilas edirmişcəsinə özünü qəhrəman kimi göstərməyə çalışıb. Hadisənin bir gün əvvəl kameraya düşməsi isə onun planlarını pozub. Qeyd edək ki, saxta qəhrəman iti kanalizasiyaya atanda da, onu “xilas” edəndə də eyni paltarı geyinibmiş.