Ermənistan prezidenti Serj Sarkisyan 29-30 noyabr tarixlərində Gürcüstana səfər edəcək. Bu barədə Gürcüstan prezidentinin mətbuat katibi Manana Mancqaladze bildirib. O, səfərin təfərrüatı barədə məlumat verməyib.

Bəzi KİV-lər xəbər verib ki, səfər Gürcüstan prezidenti Mixail Saakaşvilinin erməni tərəfinin ünvanına söylədiyi fikirlərlə bağlıdır. Belə ki, Saakaşvili Ermənistan-Gürcüstan sərhədində baş vermiş torpaq sürüşməsinin nəticələrinin aradan qaldırılması zamanı operativliyin tam olmamasından şikayət edib.