Ermənistan prezidenti Serj Sarkisyan Ukraynaya rəsmi səfər edəcək. Bu barədə Ukraynanın Ermənistandakı səfiri Aleksandr Bojko məlumat verib. Səfirin sözlərinə görə, səfər Ukraynanın sabiq prezidenti Viktor Yuşşenkonun dəvəti ilə baş tutacaq. O, bu səfərin Ukraynanın yeni prezidenti Viktor Yanukoviç tərəfindən təsdiq ediləcəyini də diqqətə çatdırıb.

Aleksandr Bojko səfər tarixinin hazırda dəqiqləşdirildiyini bildirib. Eyni zamanda o qeyd edib ki, Sarkisyanın səfəri zamanı biznes-forum da keçiriləcək.

Bojko həmçinin parlamentlərarası münasibətlərin möhkmləndirilməsinin mühüm olduğunu və bu məqsədlə Ukrayna Ali Radasının spikeri Vladimir Litvinin Ermənistana səfər edəcəyini vurğulayıb. ANSPRESS