Bu gün Ermənistan prezidenti Serj Sarkisyan İrəvanda ATƏT-in Minsk Qrupunun həmsədrləri Bernar Fasye, Robert Bradk və İqor Popovla görüşüb. Görüşdə ATƏT-in fəaliyyətdə olan sədrinin xüsusi nümayəndəsi Anjey Kasprşik də iştirak edib.

Ermənistan kütləvi informasiya vasitələrinin verdiyi məlumata görə, danışıqlar zamanı həmsədrlər Ermənistan dövlət başçısı ilə Dağlıq Qarabağ münaqişəsinin hazırkı mərhələsinə dair məsələləri, o cümlədən bu yaxınlarda Azərbaycan, Ermənistan və Rusiya prezidentlərinin Sankt-Peterburqda keçirilən üçtərəfli görüşündə təqdim edilmiş Madrid prinsiplərinin son variantını müzakirə ediblər. ANSPRESS