Filippin və Tayvanda onlarla insanın ölümünə səbəb olmuş "Saola" qasırğası Çində də fəsadlara yol açıb. Qasırğanın müşayiət olunduğu leysan yağışlar Çinin Yaanşe əyalətində daşqına və torpaq sürüşməsinə səbəb olub. Yolun uçması nəticəsində 2 nəfərin öldüyü bildirilir.

Onlarla sakin su basmış evlərindən xilas edilib. Ümumilikdə 400 sakin təhlükəsiz yerlərə evakuasiya olunub.

Fuçian əyalətinə çatanda isə "Saola" tropik qasırğa səviyyəsinədək zəifləyib. Bəzi rayonlarda çaylar öz məcrasından çıxıb, kənd təsərrüfatına ciddi ziyan dəyib.