“Hələ 2007-ci ilin yayında silah alınması məqsədilə böyük məbləğlərin xərcləndiyi və bu prosesdə Saakaşvili ilə Merabişvilinin iştirakı barədə söz-söhbət yayılsa da, mən buna inanmamışdım. Hətta bu haqda sənəd-sübut görsəydim, yəqin ki, yenə inanmazdım. Bir dəfə dostum bu məsələdən söhbət açanda onu onuncu mərtəbədən atmaq istəmişdim. Çünki ərazi bütövlüyü və milli ordunun Saakaşvili üçün ən müqəddəs şeylər olduğunu düşünürdüm. İndi isə görürəm ki, bizim silah alınması üçün ayırdığımız 2 milyard və bir neçə yüz milyon dollar pulu əslində Saakaşvili və yaxın ətrafı oğurlayıb. Bizə silah lazım olanda gördük ki, bu silahlar yoxdur, olanlar isə yararsızdır. Bu, vətənə xəyanətdir”.