Gürcüstan Prezidenti Mixeil Saakaşvili noyabrın 6-da Tbilisidəki Cümə məscidində olub. Prezident M.Saakaşvili məscidə ibadətə toplanmış dindarları Qurban bayramı münasibətilə təbrik edib, Gürcüstanda bütün etnik qruplar və dinlər üçün eyni şəraitin yaradıldığını diqqətə çatdırıb. Prezident vurğulayıb ki, biz ölkəmizin xoş gələcəyi, iqtisadiyyatımızın güclənməsi naminə birgə çalışmalı, dar gündə bir-birimizə arxalanmalıyıq. Cümə məscidinin imamı Yasin Əliyev məscidə gəlib müsəlman dindarları təbrik etdiyinə görə Gürcüstan Prezidenti Mixeil Saakaşviliyə təşəkkürünü bildirib.

Qeyd edək ki, Qurban bayramı Gürcüstanın azərbaycanlılar yaşayan bütün bölgələrində keçirilib, məscidlərdə qurbanlar kəsilib və əhaliyə paylanılıb.