Gürcüstan prezidenti Mixail Saakaşvili bu gün ölkədə matəm elan edib. Saakaşvili bu yaxınlarda Əfqanıstanda gürcü əsgərlərinin həlak olması ilə əlaqədar müvafiq qərar verib. Bu gün Gürcüstanda dövlət bayraqları endirilib, bütün əyləncəli tədbirlər təxirə salınıb. Əfqanıstanda həlak olan 3 gürcü əsgərinin meyidləri də bu gün vətənə gətirilərək dəfn ediləcək.

Qeyd edək ki, mayın 13-də Əfqanıstanın Helmənd əyalətində kamikadzenin hərbi bazaya hücumu nəticəsində 3 gürcü əsgəri həlak olmuş, 30-a yaxın gürcü əsgəri də yaralanmışdı. Bununla da, son illərdə Gürcüstanın Əfqanıstanda verdiyi itki 22 nəfərə çatıb.