Rusiyanın müdafiə naziri Sergey Şoyqu Ermənistana səfər edib. ANS PRESS-in məlumatına görə, rusiyalı nazir artıq Ermənistan prezidenti Serj Sarkisyanla görüşüb.

İkitərəfli hərbi və hərbi-texniki əməkdaşların vəziyyətinin və perspektivlərinin müzakirə olunacağı səfər çərçivəsində Sergey Şoyqu erməni həmkarı Seyran Ohanyanla da görüşəcək.

Rusiya Müdafiə Nazirliyinin mətbuat katibi Darya Zatulina “İnterfaks”a bildirib ki, bu gün Sergey Şoyqunun Gümrüdəki 102-ci Rusiya hərbi bazasında da olacaq. O, döyüş hazırlığı ilə tanış olacaq, hərbçilərin xidmət və məişət şəraiti ilə maraqlanacaq.