İnquşetiyada silahlı atışma baş verib. ANS PRESS-in Rusiya KİV-lərinə istinadən verdiyi məlumata görə, paytaxt Nazranda yaşanan atışma zamanı 3 nəfər öldürülüb. Məlumatı Rusiya İstintaq İdarəsi də təsdiq edib. Xəbərdə bildirilir ki, şənbə günü naməlum silahlı şəxslər şəhərin Mütəliyev küçəsində yerləşən “Parfümer” dükanının qarşısında odlu silahdan İlez Auşev, Camaleyl Auşev və Patimat Auşevaya çoxsaylı atəş açıblar. Adları çəkilənlər aldıqları güllə yaralarından hadisə yerindəcə vəfat ediblər.

Faktla əlaqədar cinayət işi başlanıb, istintaq aparılır.