Rusiya prezidenti Dmitri Medvedev qış vaxtına keçidi ləğv edib. Rusiyanın dövlət başçısı qeyd edib ki, ona bu barədə dəfələrlə xahişlər olub. Amma qərar ciddi araşdırmalardan sonra qəbul edilib.

Dmitri Medvedev gənc alimlər və 2010-cu il üçün elm və innovasiya sahəsində Rusiya prezidenti mükafatının laureatları ilə görüşdə bildirib ki, bu yaz rusiyalıları sonuncu “xoşagəlməz hadisə” - saat dəyişieliyi gözləyir: “Çünki məşh yay vaxtına keçid yuxunun bir saat azalmasıdır. Bu, xoşagəlməz andır Bununla da xohagəlməzliklər bitəcək”.

Rusiya prezidentinin sözlərinə görə, qış vaxtına keçidin ləğvi və Rusiyada yay vaxtının tətbiqi faydalı ola bilər: “Hesab edirəm ki, adaptasiya stress və xəstəliklərlə bağlıdır”.

Qeyd edək ki, Rusiyada qış vaxtına keçid oktyabrın sonuncu bazar günü baş verir və saatların əqrəbi bir saat geri çəkilir. Martın sonuncu bazar gününd əisə saatların əqrəbləri bir saat irəli çəkilir və yay vaxtına keçilir.