Rusiyanın Krasnodar vilayətində sərnişin qatarı relsdən çıxıb. Nəticədə ən azı 100 nəfər yaralanıb, 15 nəfər isə ağır vəziyyətdə xəstəxanaya çatdırılıb. Novosibirsk şəhərindən Qara dəniz istiqamətində hərəkət edən qatarın qəzası nəticəsində 19 vaqondan 11-i relsdən çıxıb, 7 vaqon isə aşıb.

Rusiya Səhiyyə Nazirliyi qəza ilə bağlı məlumat yayıb: “Xoşbəxtlikdən hadisə zamanı ölən olmayıb, qatarda olan 600 sərnişin evakuasiya edilib. Sağlamlıği ilə bağlı problemi olmayan sərnişinlər başqa bir qatara mindirilərək yola salınıb”.

Mütəxəssislər terror aktı versiyasından imtina edirlər. Səbəb kimi isə istilər nəticəsində relslərin həddən artıq genişlənməsini göstərirlər.