Rusiyanın Həştərxan şəhərində 9 mərtəbəli yaşayış binasında güclü partlayış olub. Hadisə nəticəsində 13 nəfər yaralanıb, dağıntılar altından isə 6 nəfərin cəsədi çıxarılıb. 26 nəfər, o cümlədən 4 yaşlı qız və 1 yeniyetmə xilas edilib. Hadisədən sonra 10 nəfərin taleyi hələ də naməlum olaraq qalır. Partlayış nəticəsində binanin bir bloku çöküb.

Qeyd edək ki, partlayış ötən gün qeydə alınıb. İlkin versiyaya görə, partlayışa səbəb binanın birinci mərtəbəsində yerləşən mağazada və 4-cü mərtəbədə təmir gedən evdə baş verən qaz sızması olub. Lakin hüquq-mühafizə orqanları terror aktının törədildiyini də istisna etmirlər.