Rusiyanın hərbi təyyarələri ilk dəfə ABŞ səmasında görünəcək. Bu barədə “İnterfaks”a məlumat verən Rusiya Hərbi Hava Qüvvələrinin Baş Qərargah rəisi Aleksandr Zelin bildirib ki, Rusiya HHQ-yə məxsus qırıcılar ABŞ təyyarələri ilə birlikdə təlimlərdə iştirak edəcək. Onun sözlərinə görə, təlimlər 2013-cü ildə Birləşmiş Ştatlarda keçiriləcək.

Bununla belə Zelin təlimlərin dəqiq tarixini və Rusiya təyyarələrinin sayını açıqlamayıb. Təkcə onu deyib ki, Rusiya təlimlərə ya MiQ 29 SMT, ya Su-35 təyyarələrini cəlb edəcək.

Qeyd edək ki, Rusiya ilə Birləşmiş Ştatları əməkdaşlığı Gürcüstandakı müharibədən sonra dayandırıb. İlk dəfə əməkdaşlığın bərpası barədə 2009-cu ilin iyun ayında bəyan edilib.