Türkiyədə Niğdə şəhər sakini hərrac saytlarından birində öz ruhunu satışa çıxarıb. “gittigidiyor.com” saytında “vip_bilisim5134” kod adı ilə çıxış edən şəxs ruhuna ilkin olaraq 100 lira (57 manat) başlanğıc qiymət müəyyənləşdirib. Bir həftə keçməsinə baxmayaraq hər hansı bir təklif almayan Niğdə sakini ruhu 5 000 lirəyə (2 850 manat) verəcəyini bildirib. O həmçinin ruhu almaq istəyənlər üçün 2 aydan 12 aya qədər kredit imkanı yaradacağını da deyib.

“vip_bilisim5134” kod adlı şəxs ruhunu bankada satdığını, satılan malın geri qaytarılmayacağını deyib: “Uzun müddətdir ruhumla yola getmirəm. O artıq başqa bir insana aid olmaq istəyir. Bu səbəblə də ruhumu satmağa qərar verdim. Ruhum çox yaxşıdır və düzgün istiqamət verilsə, yalansız bir ruhdur. Ruhumu bankada satıram. Təminat verirəm ki, qətiyyən qaçmaq ehtimalı yoxdur. Əgər qaçsa, qaytaracağam. Satıldıqdan sonra isə qaytarılmayacaq”. ANSPRESS