Roma papası Benedikt özünün Pasxa müraciətində dünyanı Liviyada sülhə nail olmaq üçün diplomatiya və dialoqdan istifadə etməyə çağırıb. O həmçinin avropalıları Şimali Afrikadakı zorakılıqlardan qaçanlara həmrəylik və xoş məram nümayiş etdirməyə çağırıb. 84 yaşlı papa Pasxa ibadətini gül-çiçəklə bəzədilmiş Müqəddəs Pyotr meydanına toplaşmış 100 minədək xristianın qarşısında icra edib. O deyib ki, hətta kommunikasiyalar sisteminin bu qədər inkişaf etdiyi müasir dövrümüzdə də İsa peyğəmbərin 20 əsr bundan əvvəl dirilməsi xristian dininin əsasını təşkil edir. Roma papası Benedikt bildirib ki, builki Pasxaya xüsusən də Afrikada baş verən aclıq, xəstəlik, müharibə və zorakılıq hüzn gətirib. O həmçinin Yaponiya xalqına da təsəlliverici sözlərlə müraciət edib.