Katoliklərin ruhani lideri papa Fransiskin may ayında Qüdsə edəcəyi səfər çərçivəsində Merac gecəsi günü Məscidi Əqsanı ziyarət edəcəyi bildirilib.

ANS PRESS-in xəbərinə görə, Qüds Latın Patriarxı Fuad Tual may ayında papanın Qüdsə nəzərdə tutulan səfər planından söz açıb.

"Bu il əvvəlcədən Qüdsü ziyarət edəcəyini açıqlayan papa mayın 25-i Qiyamət Kilsəsinə gedərək, müqəddəs torpaqlarda həcc edəcəyini açıqlamışdı. Burada İstanbul Rum Ortadoks Patriarxı Bartolomeo, erməni Ortodoks Patriarxı Noorhan və Qüds Rum Ortodoks Patriarxı Theofilos ilə görüşəcək" -deyə Fuad Tual bildirib.

Papanın səfər əsnasında İsrailin dövlət başçısı və digər rəsmilərlə görüşü nəzərdə tutulur.

Fuad Tual, həmçinin papanın Hərəm-i Şərif və Yəhudilərin “Ha-Kotel ha-Maaravi” (Qərb divarı) adlandırdıqları Ağlama divarını ziyarət edərək Müsəlman və Yəhudi qardaşlarına dua edəcəyini açıqlayıb.